【輪證贏家】小時+日線圖兩大阻力位出現
【輪證】 11小時前
【now.com財經】尋日揀咗隻恒指熊(53747)，講明只係做Day Trade嘅Swing向下啫。噚日指數全日升幅係有，但都真係只限開市之後嗰半個鐘至九個字，所以之後作戰室再做Day Trade都有難度，位太窄亦都做唔得多，還好開市後嗰注好倉食得到，亦都係全日最大注，keep住唔貪心每日執少少咁做，全個月埋單就知咩料啦。
市傳港交所(00388)會延長交易時段兼Cut飯鐘，依家大家手上有個App都已經可以做交易，咁樣諗你話係咪合情合理先?!只不過圍繞住嗰市嘅又點止咁少嘢呢，我都好懷念以前兩個鐘食飯時間，可以偷偷地落中環一趟，去啲酒樓度飲個茶，偷聽吓隔離檯講嘢，收收風，然後2點埋位再炒過；呢支歌仔依家更係唱唔到啦，得一個鐘時間對班中環人嚟講真係搭
