【比亞迪、京東有投資】人形機械人生產商帕西尼擬港IPO

【now.com財經】市傳內地人形機械人企業帕西尼(PaXini)，可能睇準人形機械人熱潮不斷升溫呢個時機，計劃部署來港上市。

據《彭博》引述知情人士報道，比亞迪股份(01211)及京東集團(09618)有份投資嘅帕西尼，正研究嚟香港掛牌嘅可能性，有機會喺未來幾個月遞上市申請。

據資料顯示，帕西尼總部設於深圳，今年3月完成咗B輪融資，集資逾10億人仔，估值已經突破100億人仔。帕西尼產品包括觸覺傳感器、人形機械人Tora及靈巧手。