【輪證贏家】小時圖睇住10線做定兩手準備

【now.com財經】噚日揀咗隻恒指熊(63703)出嚟做即市Swing Trade嘅，由於出文之後再睇埋文，跟住再睇小時圖見指數已經上破咗50線，所以變陣拎返個五分鐘圖出嚟等Slow STC(14.3)出觸頂向下時先至出動，當係平時借五分鐘圖做一趟Swing Trade咁做。

另一方面，由於指數噚日爆上，日線圖上10線已經破咗，仲過埋條50線，迫到上20線前，所以恒指Put(28275)亦都未符合出倉條件。

但睇返日線圖，指數噚日最後都停於100/150線前，而今朝指數低開後有見低走，作戰室開市前都已經Mark定淡倉追出之後，再Mark定三個Step睇住啲技術指標走位，去到邊一個位要做啲乜，10點前我估佢哋都已經有人爬完格仔收正數之後，個腦返番去工作崗位了。

依家9點45分，睇小時圖有見指數同Slow STC(14.3)出觸頂向下，而整條保歷加通道向上中，係呀，呢啲樣又可以先Mark住指數於保歷加頂線至10線之間運行先，因為作戰室都係咁Plan。

差不多10點，小時圖上已經好明顯見到大支大陰燭向下落，到時就睇指數係向下穿得過條小時圖10線，還是被條10線接住。

如果指數企得住喺10小時線之上，咁可以用隻恒指牛(66578)，收回價25281點，同現價有約520點距離，槓槓桿有約44.5倍，零街貨唔駛同人迫。

但如果向下再落嘅話，咁有條件向下再迫條中軸線喎，到時就用呢隻恒指熊(62100)，收回價26150點，同現價有約350點距離，有約53.8倍槓桿，同樣都係低街貨。

買輪買證都好，總之都係低街貨、安全啲好。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Book Store上架，可免費試閱。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。