【槓桿致勝】CALL阿里可揀呢類條款

【Now財經台】阿里巴巴(09988)股價繼續喺10天線上落，股價今朝(13日)輕微低開後，一度跌2.3%，低見122.6元，過去5個交易日，阿里都有資金追入，但上周五(10日)亦有唔少資金食糊，今朝股價向下，可唔可趁低吸納？

花旗上市衍生產品部副總裁麥穎儀認為，阿里隨大市回落至關鍵位置，即去年8月及今年3月嘅價格換區位附近，市場估計可以企穩120元水平。佢建議有興趣入場嘅投資者，可留意短身及入場費較平，價外10%至11%，行使價136元至137元，今年7月初到期嘅CALL輪條款。