【中國建設銀行(亞洲) 呈獻:息賺】買中資電訊股要小心加增值稅效應

【Now財經台】港股進入業績高峰期，中資電訊等高息板塊開始放榜，其中，中國聯通(00762)已經喺上周四(19日)派咗去年成績表，今日(23日)受大跌市拖累，股價一度挫近3%，聯通末期息按年減少約14%，但派息比率升至逾61%，點解集團會調整派息政策？對其他中資電訊股有冇影響？

獨立市場策略師何啟聰指，內地喺年初上調電訊業增值稅，聯通減派末期息，反映派息政策可能提早反映加增值稅對盈利嘅影響。

早前，有報告指，內地加增值稅有機會令聯通盈利跌約10%，公司減派末期息，可能為咗避免下年中期息突然大跌嘅感覺，所以Ivan提醒投資者，唔好單睇預期派息率，整體而言，內地電訊股今年盈利增長空間有限，投資者要留意埋加增值稅對利潤嘅影響。

佢又話，相比之下，中國移動(00941)所受影響或較小，而中國電信(00728)亦會受到一定程度影響。