【名家給力場】點解兩隻賣盤股「同股唔同命」？
【分析】 6小時前
【Now財經台】CGII HLDGS(01940)部分股權易手觸發全購，股份今日(16日)復牌反覆向上，一度勁升近14%，高見1.8元，新主Tangde Gas(TG)擬以每股62.6港仙，較停牌前折讓60%，向CGII HLDGS收購39%股權，而大折讓賣盤嘅毛記葵涌(01716)今日更一度飆1.5倍，高見4.24元，同樣係賣盤，點解CGII HLDGS升咁少？
《香港股票財技密碼》作者梁杰文指，兩家公司都係控股權出現變動，今次原主中銀及淡馬錫(Temasek)財團好似急急腳想走，願意以折讓價賣畀TG，一方面大股東河鋼表明作價太低，或持有CGII HLDGS有另目的而拒絕接受邀約，令CGII HLDGS賣殼相對更複雜。
Mike又話，雖然今次新主買平貨，但持股量唔係絕對性，唔似其他揸住70%至80%嘅股權，今次新主只係佔約40%控股權，不過，循例都要向散戶提出一個全面收購要約，新主執平貨但持股量低情況下，相信都可以解釋點解唔願意出高價收購，同埋今日復牌炒作冇毛記葵涌咁誇張。
 | 梁杰文 《香港股票財技密碼》作者 |
