【財經TOP SEARCH】泡泡瑪特要靠Labubu「接班人」撐價

【Now財經台】截至早上11時止，1小時内《彭博》用戶搜尋量最多港股，依次為泡泡瑪特(09992)、中升控股(00881)、比亞迪股份(01211)、紫金礦業(02899)及中國鋁業(02600)。

泡泡瑪特跟內地3D打印公司拓竹科技達成和解協議，將涉及盜版產品全部下架，受消息帶動，泡泡瑪特股價今日(16日)向上，一度升近5%，高見215元，除咗呢啲利好消息，集團要點做先可以穩住股價？

富昌證券聯席董事譚朗蔚認為，知識產權被盜版公司一定蝕底，但今次達成和解可重新穩固泡泡瑪特銷售，佢又話，雖然泡泡瑪特股價近月造好，集團仍要證明Labubu以外嘅IP產品有一定爆紅潛力，先可以持續吸引投資者及穩住股價。

Stevan又話，泡泡瑪特股價喺2月大反彈後回落，建議投資者留意220元關口，冇貨就留意收唔收復到呢個位，有貨就要更小心。