【槓桿致勝】阿里連跌第3日可追CALL？

【Now財經台】科技股今日(2日)早段明顯拖累大市，其中，阿里巴巴(09988)股價已連跌3個交易日，今朝低開逾2%後，跌幅一度擴大至4.7%，低見136.1元，失守250天線，阿里跌得咁急，多唔多好友入場博反彈？CALL輪可以點揀？

花旗上市衍生產品部副總裁麥穎儀指，受地緣局勢影響，科網股率先成抛售對象，雖然阿里跌得好急，但今日仍有資金積極追好倉，喺低位撈CALL嘅投資者都唔少。

條款方面，相比之前傾向揀較價外嘅條款，Jenny建議，現時應考慮揀相對貼價嘅CALL，可以留意行使價約160元，今年6月到期嘅產品，呢類CALL實際槓桿可以做到7倍以上。佢又解釋，選擇相對貼價嘅產品，目的係追返較高嘅對冲值，係現時市況下較好嘅博反彈策略。