【槓桿致勝】阿里CALL/牛仔點部署？

【Now財經台】阿里巴巴(09988)春節期間透過千問獲得逾億張定單，股價喺連跌5個交易日後，今朝(23日)一度反彈4%，高見153元，如果睇好阿里繼續彈，邊類條款更值博？

滙豐亞太區財富管理香港上市產品銷售經理盧貴良指，最近阿里有唔少好消息，但市場都傾向保守部署，CALL輪方面，建議投資者揀行使價約188元條款，做好倉部署，配合下周出業績，若想避開績後引伸波幅下跌風險，年期可以揀長少少，今年8月到期，槓桿都做到5倍。牛證方面，建議投資者收回價睇140元，實際槓桿做到超過10倍。