【槓桿致勝】騰訊博反彈宜揀貼價CALL

【Now財經台】騰訊控股(00700)好倉已連續8個交易日有資金流入，5日合計，有近2億元坐貨，騰訊股價今日(11日)低開逾1%，開市報543元，見咗暫時即市低位，想博反彈應該揀牛證定CALL輪較值博？

中信證券國際股權衍生品銷售聯席董事李佳原指，資金傾向流入CALL輪博反彈，一方面引伸波幅水平對比自身歷史數據唔算高，因為擔心牛證有收回風險，建議投資者揀貼價少少嘅CALL，行使價介乎560元至580元，槓桿都做到6倍至10倍。