【名家給力場】偉祿有猛人幫手做「手遊開荒牛」

【Now財經台】偉祿集團(01196)計劃喺內地搞手機遊戲發行及營運業務，同埋跟創夢天地(01119)前總裁高煉惇建立戰略合作，但偉祿近2年業務都係蝕，依家要喺內地搞手機遊戲業務，值唔值得憧憬？

《香港股票財技密碼》作者梁杰文指，對偉祿嚟講一定係加分，而集團同高煉惇合作亦可事半功倍，唔使行咁多冤枉路，雖然偉祿由零開始搞遊戲業務，但佢搵到行內知名人士合作，而高煉惇喺手遊行業有逾20年經驗，又係創夢天地聯合創辦人及前總裁，有佢領頭發展新業務，一定有利偉祿前景。

Mike又指，高煉惇已離開創夢，依家「無官一身輕」，可以全心全力幫偉祿做「手遊開荒牛」，公司通告預期首3年可賺6億元，反映雙方既進取又有信心，對呢門生意好樂觀。