【槓桿致勝】CALL紫金黃金揀咩條款？

【Now財經台】國際金價重拾升勢，帶動黃金股全線高開，其中，紫金黃金國際(02259)股價今朝(9日)高開逾4%，之後一直企穩200元樓上。面對金價波動加劇，如果投資者想用窩輪捕捉升浪，條款應該點揀？

花旗上市衍生產品部副總裁麥穎儀表示，紫金黃金之前一直受資金追捧，主要受惠於貴金屬價格大升，但近期股價自高位回落嘅速度較急，吸引唔少投資者趁低吸納。

Jenny又指，紫金黃金股價喺過去一段時間跟隨金價急升，波幅較大，呢類高波動性股份特別吸引進取型投資者，依家資金主要部署好倉為主。

投資部署方面，佢認為投資者唔使太保守，若繼續睇好金價，可以留意槓桿約4倍，行使價約373元，今年7月底到期嘅CALL輪。