【槓桿致勝】小米博反彈可吼中長身CALL

【Now財經台】小米集團(01810)出咗今年1月汽車交付數據，雖然按年大升95%，但按月跌22%，小米股價今日(30日)低開唔夠1%後，跟隨大市跌幅擴大，一度挫近3%，低見34.52元，暫時連跌2個交易日，多唔多好友入場博反彈？

中信證券國際股權衍生品銷售聯席董事李佳原指，小米股價近兩個月持續陰跌，但好倉一直有資金流入，投資者多數揀年期較長嘅條款，例如今年底，甚至2027年先到期嘅CALL，一方面冇收回風險，時間值損耗亦相對小。

Sam又話，如果揀中長身輪證，市場都有唔少貼價選擇，行使價約35至38元水平，都受投資者歡迎。