【專家分析】安踏幫PUMA複製FILA奇蹟？

【Now財經台】安踏體育(02020)喺港股今日(27日)開市前宣布，斥資15億歐元，折合122億人仔，收購PUMA近30%股權，交易完成後，將成為PUMA大股東，安踏股價早段一度升3%，似乎反映市場對呢單Deal反應正面，值得留意係，安踏過去曾成功令FILA喺內地起死回生，更變成現金牛，今次PUMA可唔可複製呢個奇蹟？

天風國際證券經紀業務部董事李偉傑指，安踏以每股35歐元收購PUMA近30%股權，雖然低過之前市傳嘅40歐元，但仍有較高溢價，可以帶來短期刺激作用。佢又話，中線嚟講，市場需要等待一個磨合點，安踏需要安排管理層進駐PUMA，以提升PUMA喺大中華地區嘅活躍度，但呢方面需時較長。

Jason又指，如果PUMA業績唔可以扭虧為盈，就會令安踏處於弱勢，至於PUMA未來能否提升亞洲區業務覆蓋率，就要睇安踏嘅執行能力。