【槓桿致勝】睇好小米揀CALL定牛仔？

【Now財經台】小米集團(01810)股價近期見底回升，重上10天及20天線，股價已連升3日，不過，好倉及淡倉都有資金流出，牛證最貼收回價40元至42元，熊證收回價44元至46元都多投資者加倉，如果睇好小米揀CALL定牛證比較好？

中銀國際證券衍生產品部董事朱紅指，小米股價上月跌至36.6元後，小米董事長雷軍增持股份及回購，加上小米汽車銷售已超越全年目標，基本因素及資金方面睇返好，所以早前低位部署咗好倉嘅投資者食糊都唔出奇。

Niki又指，若投資者追求高槓桿及冇收回風險，可以揀小米CALL，槓桿做到7至8倍，熱門條款方面，CALL可以留意行使價57元至58元，明年4月到期，呢類條款做到7至8倍槓桿，較適合依家嘅市況。