【Now財經台】小米集團(01810)股價已連跌6個交易日，今年以來累跌近19%，面對儲存晶片成本大幅上升壓力，集團毛利率係咪都好難樂觀？股價要跌到幾時？
元宇證券大中華區股票投資總監趙晞文指，小米股價已回落至近年低位，畢竟智能手機高增長期已過，現時整個行業都面對困難及挑戰，手機板塊今年嘅毛利率壓力會較大，所以市場都一直下調盈利預測，變相令股價持續受壓。佢相信，起碼去到今年第3季，小米成本及銷售壓力都仍然較大，股價短期仍有下跌空間，但中長線而言，基本面未必有太大問題。
晞文又提及，如果想趁股價跌入市做中長線部署，就要有心理準備要喺低位捱一捱價，始終整個板塊熱度已經今時唔同往日，需時去消化現時困擾股價嘅負面因素。
