【槓桿致勝】CALL港交所博反彈可吼...

【Now財經台】港交所(00388)公布，首11個月首次公開招股(IPO)集資額按年飆2.4倍，股價今年一度升穿460元，股價近日喺400元水平上落，今朝(5日)一度險守400元關口，跌逾1%，嚟到年底投資者可以點部署？

星展香港環球金融市場上市產品策略師鍾宛婷認為，港股連續3個交易日成交唔夠2000億元，加上年底冇大型IPO，,所以港交所股價都向下，跌到400元邊緣，但近日多咗投資者留意中長線CALL，過去5個交易日有約300萬元資金流入好倉。

佢建議，如果短線想博反彈，可考慮價外20%至30%，行使價約500元，明年4月到期，實際槓桿做到9至10倍嘅CALL輪條款。中長線方面，較保守嘅投資者可考慮貼價CALL。