【專家分析】恒指已見咗今年高位？

【Now財經台】港股交投自11月底開始持續淡靜，過去6個交易日之中，有4日唔夠2000億元，但仍有新股趕年底尾班車掛牌，今日(5日)就有2隻新股首掛，但昨日(4日)暗盤雙雙「潛水」，加上成交唔配合，係咪預示恒生指數可能已見咗今年高位？

IG集團駐澳洲市場分析師葉蔚文指，港股成交係明顯縮減，不論整體或南向都係，其實恒指今年已累升約30%，加上已去到年底，唔少投資者都考慮獲利離場，等明年再做部署，估計恒指年底前繼續喺26000點上落。

Fabien又指，依家港交所(00388)正審批緊約300家公司嘅上市申請，估計隨著呢啲新股明年陸續登場，到時可望帶旺返港股。