【環球金融快線】Dell等Notebook明年出貨勢再減

【Now財經台】人工智能(AI)數據中心投資熱潮，帶動伺服器專用記憶體晶片需求飆升，相關晶片廠商今年表現亮麗，但手提電腦商就遭殃，其中，市佔率較高嘅戴爾(Dell)、惠普(HP)及聯想集團(00992)，股價都大幅跑輸大市，點睇呢個情況？

易方資本副基金經理王逸研指，記憶體佔每部電腦生產成本10%至15%，依家連中央處理器(CPU)都缺貨，所以對手提電腦商嘅影響較大。 

佢續指，由於依家成本上升壓力太大，相信呢啲企業會透過出貨量控制開支，因此，估計明年出貨量會再跌。