【FINTERVIEW】恒指今年有機見26000點(上)

【Now財經台】美國駐北約大使表明，暫時唔會因為中國支持俄羅斯，而將中國關稅升級，似乎喺關稅問題上釋出善意。港股今日(3日)早段都升得唔錯，但之後升幅收窄，內地上證綜合指數就亦跌，上證見10年高位，而恒生指數長期受制26000點呢個阻力位，面對依家嘅經濟、消息面，以至中美關稅談判，港股再向上突破嘅機會有幾大？

法巴財富管理香港首席投資策略師譚慧敏指，恒指向上突破嘅機會都大，雖然之前提及港股9月或會受美國、美股、外圍等因素影響，導致股市較波動，但反而提供咗一個入市機會。

Grace續指，原因係預期年底全球會有一個year end rally，如果美國真係減息，全球資金流動性會愈來愈好、金融條件愈來愈寬鬆等，都非常利好股票市場，恒指有機會上到26500點。