【一代內房龍頭落幕】恒大今退市 有幾多散戶「跳唔到船」？

【now.com財經】2009年11月喺香港上市，高峰時期市值迫近4000億元嘅中國恒大(03333)，去年初被頒令清盤後，一直未能滿足聯交所復牌要求，所以一直復牌無期，集團喺今朝(25日)9點開始，正式從港交所(00388)除牌退市，結束15年嘅上市歷程，停牌前市值大幅蒸發99%，只剩返逾21億元。

據媒體引述數據指，恒大去年停牌前，仍有約28萬散戶有貨在手，而到退市一刻仍有16萬名散戶「跳唔到船」，佢哋持有嘅恒大股票價值已幾乎「清零」。

恒大一方之前已表明，無意就上市委員會取消公司上市地位嘅決定申請覆核。