【入圍第2輪名單】騰訊、京東有興趣「飲」Starbucks中國咖啡？

【now.com財經】市傳星巴克(Starbucks)有意透過出售中國業務股權，引入新投資者，有報道指，騰訊控股(00700)及京東集團(09618)都有意「飲咖啡」。

據《彭博》報道，Starbucks已就中國業務可能引入投資者進行篩選，已有逾10家企業進入第2輪候選名單，包括博裕資本、凱雷集團、EQT AB、KKR & Co、高瓴投資、騰訊及京東等。

據知情人士指，入圍嘅機構會獲得Starbucks中國財務數據，畀呢啲公司喺未來幾個月進行評估，同埋準備競標。

日前，Starbucks首席執行官Brian Niccol喺財報電話會議上同分析員講，喺中國搵合作伙伴同錢冇關，而係希望確保Starbucks呢個品牌，未來可以處於一個「更佳位置」。

 騰訊股價今日(1日)反覆向下，最新報537元，跌2.3%，京東股價就向上，最新報123.3元，升0.3%。