【槓桿致勝】睇好騰訊揀CALL定牛仔？

【Now財經台】騰訊控股(00700)係過5日最多資金流入個股，已連續兩日都有資金流入好倉，有近2000萬元資金坐貨，熱門CALL普遍價外20%以上，行使價500元或以上，如果擺呢啲位會唔會太進取？

中銀國際證券衍生產品部董事朱紅指，騰訊股價都係跟大市行，昨日(10日)一度高見430元水平，雖然之後回落，但仲守得住400元關口。Niki指，行使價514元，明年4月到期，槓桿約9至10倍，都係較熱門嘅條款。

佢又話，亦有投資者揀騰訊牛證做好倉部署，收回價可以考慮擺378元，槓桿10倍以上。