【財經TOP SEARCH】美團周五放榜料交到貨

【Now財經台】截至早上11時止，過去1小時內《彭博》用戶搜尋量最多港股，依次為滔搏(06110)、中遠海控(01919)、萬科企業(02202)、美團(03690)及金沙中國(01928)。

美團股價今日(26日)先跌後反彈，一度升逾4%，有份推高大市，集團周五(29日)就會派成績表，值唔值得憧憬？

富途證券首席分析師譚智樂指，雖然美團係科技股，但業務同消費市場都有好大關聯性，所以當市場估計內地未來會力谷內需，內需消費股對美團就有好大幫助。佢認為，美團業績應該唔會令市場失望，股價近期主要受市況及投資氣氛拖累。

Arnold續指，睇返技術走勢，美團係典型「破腳穿頭」，短線會喺160元搵到支持，好大機會彈高，所以短期都值得留意。業績方面，佢話可以憧憬新業務可以keep到及虧損收窄，後市唔止可以博業績，亦可以博中央推宏觀經濟重大政策。