【專家分析】光「伏」股冇運行轉吼風電股

【Now財經台】雖然港股近期強勢，但光伏股逆市向下，摩根大通發報告唱淡光伏行業及個股，指對供求睇法轉趨審慎，又估計龍頭信義光能(00968)、福萊特玻璃(06865)等，在產能計劃不變下，行業日均產能已逼近該行全年預測，信義光能股價今年持續下滑，若基本面繼續缺乏支持，股價企唔企得穩100天線？

註冊財務策劃師協會會長黃敏碩指，信義光能股價喺100天線會受到考驗，因為資金有其他更好選擇，加上支持呢個板塊嘅資金一向唔多，資金一走，會令股價面對更大壓力。

佢又話，同樣係新能源嘅風電板塊會比較受惠，如果今年可以提升發電產能，對風電股會有正面幫助，例如金風科技(02208)，近月嘅股價都持續向上。