【專家分析】有北水大水喉港交所生意唔憂做

【Now財經台】港交所(00388)今日(26日)中午派咗去年成績表，單計去年第4季，集團賺逾43億元，按年增長14%，超預期，港股去年日均成交金額2498億元，創新高，按年大升90%，呢份業績仲有冇其他驚喜位？港股成交仲有冇向上動力？

耀才證券研究部總監植耀輝指，港股去年成交咁勁，相信同北水南下有關，睇返港股通日均成交量達1211億元，相對於2024年約400億元，大增1.5倍，隨著愈來愈多內地資金南下，相信成交只會有增無減。

Stanley又話，睇返港交所主要收入，只要成交有好表現，就會令港交所大數更有睇頭，佢又對港交所未來交易狀況樂觀。