【槓桿致勝】CALL阿里博賺價又賺窩

【Now財經台】阿里巴巴(09988)股價5月中以來一直維持下行格局，下試100天線，即113元水平，股價今朝(29日)以暫時低位低開後，走勢反覆。阿里好倉資金好活躍，已最少連續5日有資金流入，亦係資金流入最多個股，5日合計，有近8400萬元坐貨，喺股價依家冇乜催化劑下，好友係咪繼續追入？CALL輪方面，邊類條款較受歡迎？

中信證券國際股權衍生品銷售經理李佳原指，好友對阿里嘅熱度未減，主要有幾個原因，包括股價走勢相對落後，所以投資者期望阿里會追落後。佢又話，資金傾向揀CALL輪做部署，好多熱門條款，例如8月至9月到期，價外20%至30%，槓桿5倍至7倍，喺股價過去兩三個星期陰跌下，引伸波幅水平，不論期權及窩輪市場都顯著回調，唔少資金部署阿里CALL，博賺價又賺窩。