【名家給力場】港股「淘金」更抵玩？(下)

【Now財經台】金價再升穿每盎司2000美元，不過，今年幾次觸及呢個心理關口就見咗短期頂，勝利瑞柏基金管理合伙人暨投資總監陳建良就認為，市場憂慮美元長遠購買力係主要原因，並預期金價年內有望企穩2000美元水平，甚至創新高。

KL分析指，美國聯儲局11月會議紀錄顯示再加息機會唔大後，美元匯價好快回軟，而市場亦憂慮美國長遠遏通脹嘅能力。此外，全球地緣政治局勢緊張，美元長遠購買力不足令央行持有美國國債、美元資產作為外匯儲備嘅功能存疑。

KL又話，留意到全球央行近年加快掃入黃金避險，其中，人民銀行減持美元資產同時，已連續12個月買金，成為全球最大的官方黃金買家。佢認為，在港上市嘅金礦股可看高一線，首選山東黃金(01787)，因為內地金礦股主要以人民幣舉債發展或收購，利息壓力冇美股同業咁高，加上背靠中央政府呢個大客，使公司銷售成本較低。