【名家給力場】點解俊知收購光纖商市場咁Buy？

【Now財經台】早前，俊知集團(01300)公布，計劃收購光纖產銷商青海中利全部股權，涉資逾5億元，將全數以內部資源支付。此外，青海中利上半年扭虧為盈，稅前轉賺7000萬元人民幣。雖然今次收購幾乎用晒集團所有現金，更要孭3億元人民幣債務上身，但目標公司嘅光纖資產質素已執靚晒，今次俊知係咪買到好嘢？俊知股價今日(21日)一度爆升逾26%，高見3.73元。

《香港股票財技密碼》作者梁杰文表示，俊知今日股價表現反映市場對呢單收購反應正面，近年人工智能(AI)急速發展，帶動光纜業務需求大增，而集團財務狀況亦比市場預期好。俊知本身傾向做下游光纜業務，但光纖業務屬於上游，Mike認為，今次公司不惜清空現金進行收購，主要係希望把握機會整合上游業務。

佢續指，由於AI發展迅速，但唔係有客或下游有需求就一定賺錢，若上游零件供應不穩，都會影響業務，因此，如果今次收購目標本身嘅業務已開始賺錢，加上可以整合上下游業務，市場自然好受落。