【Now財經台】俊知集團(01300)計劃收購青海中利光纖技術有限公司100%股權，作價4.55億人仔，折合約5.26億港元。俊知本業包括電線、電纜及光纖等，其中，光纖業務最新佔比大升至15%，半年收入已逾2.6億人仔，公司今次係咪想擴大呢瓣業務？俊知股價今日(14日)一度狂飆71%，高見3.465元。
《香港股票財技密碼》作者梁杰文表示，近年俊知光纜生意快速增長，純利以倍數上升，如果有合適嘅收購對象，收購後再融入公司產能，先可以盡快適應人工智能(AI)新興投資，而今次呢個收購計劃亦睇到公司對前景充滿野心。
Mike又話，雖然俊知財務狀況唔差，但銀行借貸水平偏高，短期債務逾10億元，如果依家進行股本融資、發新股引入專業投資者應該冇難度，畢竟好多大型企業都想分一杯羹，佢有信心投資者及大型機構認購公司股份。
