【專家分析】AI業務陷泥沼騰訊暫難有運行

【Now財經台】騰訊控股(00700)昨日(12日)出咗上季業績，經調整淨利潤684億人仔，按年增長逾8%，純利按年增長0.7%，不過，資本開支(CapEx)高逾527億人仔，按年大升1.76倍，導致今日(3日)畀最少3家大行「劈價」，騰訊股價近期係咪都冇運行？

東亞證券高級投資策略師陳偉聰指，今次業績最大焦點一定係人工智能(AI)相關投入，由於公司要買好多算力設備，又要發展人工智能代理(AI Agent)產品，導致CapEx激增，拖累自由現金流轉負。此外，集團其中1個AI Agent產品Work Buddy，雖然上客量及付費用戶急增，但其實好多用戶仍係免費用緊，因此，Work Buddy未必有好強嘅變現能力，未來可唔可以加價，加價後又可唔可以保留上客量係十分關鍵。

不過，Jason提醒，內地AI Agent競爭大，如果加價一定會影響市場份額，加上騰訊自身AI模型混元，相比市場其他模型唔係太受歡迎，因此，預期騰訊中短線都唔係太正面。