【FINTERVIEW】大型科企、平台股有向上重估空間(上)

【Now財經台】近期資金重新流入大型科企及平台股，刺激股價向上，阿里巴巴(09988)旗下「千問」(Qwen)今日(16日)傳出一個重磅消息，市傳千問會整合至蘋果公司(Apple Inc.)嘅Apple Intelligence，而Apple包括iPhone在內7款產品將會有得用，阿里股價由90元升至現水平，已升咗逾30%，近排都有券商唱返好阿里。中資大型科企及平台股，係咪有條件或基本因素支持啟動估值重估？

金馬資本高級交易策略師蘇沛豐認為，呢啲股份最近都有利好因素，所以會有向上重估空間，市場一直擔心平台股打價格戰，尤其外賣及電商平台，但睇返最新數據，例如阿里嘅淘寶閃購虧損收窄情況都比預期好。

Daniel又話，另一個重估動力係來自人工智能(AI)相關收入，之前全球資金瞓身炒晶片、硬件股，大型科網平台股冇人吼，但最近AI或雲相關業務數據強勁，例如阿里雲嘅AI收入大升40%，AI相關收入佔比亦升至30%，都反映AI嘅貢獻。