【財經TOP SEARCH】泡泡瑪特呢浸反彈上唔到195元？

【Now財經台】截至早上11時止，1小時內《彭博》搜尋量最多港股，依次為泡泡瑪特(09992)、美圖公司(01357)、創科實業(00669)、濰柴動力(02338)及快手(01024)。

泡泡瑪特股價連升兩日，今日(8日)一度逆市大升8%，高見175.4元，有「中國巴菲特」之稱嘅段永平換馬，買入泡泡瑪特，上月以Short Put方式建倉，又話只係用咗幾日時間做決定，散戶又跟唔跟得過？

天風國際李偉傑指，相信段永平嘅前提係，散戶要先查證佢實際上有幾多持貨，之前做Short Put個價大約150元，可以作為參考，現時係多咗1個動力推高泡泡瑪特，亦令市場信心大咗，不過，就算依家大鑼大鼓話買，最後交唔到一份好嘅成績表，一樣會令市場失望。

Jason又話，要留意泡泡瑪特嘅IP銷售動力，海外市場熱度Keep唔Keep到，泡泡瑪特開始喺低位積極反彈，相信仲有一定反彈空間。睇返技術走勢上，暫時仍受制於50天線，即180元水平，如果要上到100天線，即195元水平，估計要推出更高價值嘅IP，令市場有更高期望先可以。