【槓桿致勝】小米短身CALL易控制注碼

【Now財經台】小米集團(01810)股價昨日(4日)衝高後，今朝(5日)一度失守30元關口，低見29.9元，跌3.4%，繼續受制10天線，其實集團汽車及手機業務都有好消息，股價仍要跌，係咪反映市場認為現價偏貴？好淡倉應該點揀好？

胤源世創家族辦公室(香港)第一副總裁黃偉豪表示，雖然小米業務發展唔差，但其實市場對公司睇法一般，估值有不斷下調嘅情況，導致股價不斷向下，走勢偏弱。

Ravi又指，若投資者非常睇好小米前景，部署短身CALL博反彈，還是部署長身CALL作中長線持有，兩者都可以考慮，後者可避免時間值損耗，而前者勝在注馬較易控制，短期止蝕位可以睇29.8元，如跌穿呢個位及持續向下，到時宜考慮先行止蝕離場。