【財經TOP SEARCH】想買小米等上返45元再諗

【Now財經台】截至早上11時止，過去1小時內《彭博》用戶搜尋量最多港股，依次為小米集團(01810)、申洲國際(02313)、協鑫科技(03800)、京東健康(06618)及百濟神州(06160)。

之前因SU7汽車起火事故，股價展開跌浪嘅小米，終於喺40元關口搵到支持，股價今日(12日)高開約1%後，升幅一度擴大至逾3%，高見44.62元，小米似乎已見底回穩，投資者係咪可以買貨？

資深證券分析師彭偉新指，近日小米股價跌至保力加通道底部，相對強弱指數(RSI)跌穿30水平後回升，反映市場對股價有正面睇法，但仍未足以令投資者入市。

Castor續指，因為紅米手機需要減價，加上之前嘅SU7事故，令市場對公司未來銷售存疑，相信要等下周二(18日)出咗第3季業績，同埋股價升穿20天線、保力加通道中軸，即45元水平，資金先至會重新入貨。