【槓桿致勝】國壽CALL宜揀長身

【Now財經台】中國人壽(02628)股價昨日(28日)已連升第8個交易日，今日(29日)終於回套，早段一度跌逾2%，低見22.6元，北水昨日仍淨買入11億元國壽，外資大行亦紛紛上調內險評級，同埋叫加注，現時好多國壽CALL都係9月底到期，槓桿約7倍，回套壓力及時間值損耗會唔會較大？

胤源世創家族辦公室(香港)第一副總裁黃偉豪指，由於國壽呢一浸升咗唔少，若大市短期走勢反覆，股價表現亦有機會較為反覆，因此，揀太短身嘅CALL時間值損耗會大，如果選擇較長身嘅CALL，可以減少時間值損耗。

Ravi又話，中線而言，喺政策推動下，國壽股價仍有一定上望空間，如果投資者睇好國壽，建議選擇較長身嘅CALL。