【槓桿致勝】百度宜揀中長身CALL

【Now財經台】百度集團(09888)嘅雲業務上半年中標逾5億人仔大模型項目，穩站內地市場第1位，百度股價連升4個交易日後，今早(8日)再高開2.5%，升穿100天及250天線，其後升幅一度擴大至3.6%，高見89元，市場上不少熱門CALL行使價約105元，槓桿逾5倍，到價機會大唔大？

胤源世創家族辦公室(香港)第一副總裁黃偉豪指，雖然距離行使價仍有約20元距離，但整體科技股上返高位嘅機會唔細，到時百度都可以跟升，不過，百度始終係二線股，要到價有啲難度，佢建議揀中長期CALL，又話只要股價企得穩85元水平就冇問題，而下個阻力可以睇94元水平。