【專家分析】李偉傑:車股一定揀...

【Now財經台】內地車企今年首3個月嘅月度交付量唔錯，其中，比亞迪股份(01211)之前發盈喜，預期首季純利最多大升逾1倍。股價方面，暫時以比亞迪及小鵬汽車(09896)較強勢，已經回補上周一(7日)急挫嘅下跌裂口，車股應該點揀？

天風國際證券經紀業務部董事李偉傑指，佢會揀返龍頭比亞迪，比亞迪炒緊中歐關係回暖，到時內地汽車出口可以進一步回升，其實有好多車企都睇實海外市場，原因係銷售毛利高過內地，所以希望強攻或進一步開拓海外市場，若中歐關係好轉，車企絕對係大贏家。

Jason又指，比亞迪有本身嘅優越性，之前嘅「天神之眼」及快速充電，都反映比亞迪嘅技術含量及規模效應會繼續力壓其他車企。