【專家分析】海底撈靠去年下半場撐起成份業績

【Now財經台】海底撈(06862)昨日(25日)出咗去年業績，收入按年增長3%，全年就多賺近5%，翻枱率亦上升。如果拆開上下半年睇，上半年純利倒退近10%，咁即係下半年有好大驚喜，修復晒上半年失地有餘，係咪反映餐飲消費喺去年下半年回暖？翻枱率上升又有咩啟示？

元宇證券基金投資總監林嘉麒指，海底撈去年純利增長幅度大過上半年，但其實去年第3及第4季初內地消費信心都唔算強，只係「十一國慶假」同中央推出刺激經濟「組合拳」嘅時間重疊，令消費情況好轉，所以見到海底撈業績係國慶假期嗰段時間表現較好。

KK續指，去年首3季餐飲消費都麻麻，所以如果餐飲業之中，只係海底撈去年下半年業績好過上半年，應該同公司營運策略成功有關。翻枱率方面...