【財經TOP SEARCH】快手「可靈AI」效應未炒完？

【Now財經台】截至早上11時止，1小時內《彭博》用戶搜尋量最多嘅港股，依次為快手(01024)、紫金礦業(02899)、零跑汽車(09863)、優必選(09880)、信達生物(01801)。

快手再度上榜，今朝(11日)錄得兩宗大手成交，早市一度高見67.5元，大升近7%，衝上逾年半高位，快手股價上周累升25%後，至今仍未出現回套，如果要揀人工智能(AI)相關股，快手係咪其中1隻值得考慮嘅股份？

富途證券首席分析師譚智樂指，短線而言，快手的確有條件追落後，加上相對其他大型科技股，快手係比較平。佢又話，快手之前公布嘅生成式人工智能(Gen AI)「可靈AI」係一大突破，市場至今仍然炒作緊呢個因素，雖然「可靈AI」呢個消息已公布咗1個月，但相信快手短線仍會係較強勢嘅科技股，只要股價企穩60元樓上，暫時仍可以繼續睇好。