【now.com財經】快手(01024)自研大模型「可靈AI」推出新產品「可靈O1」，被形容係「AI影片嘅Nano Banana」。
之前網民玩到洗晒板嘅AI生成3D公仔FigureFigure，就係出自Google旗下Nano Banana AI圖像生成模型「手筆」」，只需upload圖片，再加埋簡單指示，只需10幾秒就Gen到出嚟。
據內媒報道，「可靈O1」以自然語言做語意骨架，配合圖片、影片等模態描述，集生成同編輯於一個引擎中，幫用家搭建新嘅多模態創作流。
此外，用家upload圖片、影片、主體、文字去「可靈O1」，呢啲都係指令嘅一種，呢個模型突破咗模態限制，可以綜合理解一張相、一段影片或一個主體，甚至係同一個角色嘅唔同視角，精準成生各項details。
快手股價今日(2日)造好，一度高見71.95元，升逾5%，但之後升幅顯著收窄。
