【專家分析】明日放榜！騰訊繼續靠呢瓣業務食糊

【Now財經台】騰訊控股(00700)明日(13日)會出第3季業績，據《彭博》估計，收入將按年增長8%，升幅係近幾年最大嘅季度，係咪主要受惠於《地下城與勇士》手遊及《王者榮耀》國際版推出？

信達國際研究部董事趙晞文指，市場料上季龍頭科網公司收入及非通用會計準則(Non-GAAP)盈利，按年會有中至高單位數增長，如果騰訊表現符合市場預期，主要受惠於聯營公司貢獻。

晞文續指，市場估計，遊戲收入按年會錄得中雙位數增長，睇返過往嘅季度表現，王牌Game會令騰訊有好穩定嘅流水，加上早前陸續推出，令國內及境外遊戲收入按年增速加快，所以睇返第3季度，遊戲業務係騰訊增長引擎，佢又相信，新Game對收入嘅貢獻佔比將逐步提升。