【槓桿致勝】騰訊CALL績前不宜換馬

【Now財經台】騰訊控股(00700)股價昨日(11日)失守10天線，今日(12日)再下試50天線，暫時喺410元水平上落，有騰訊CALL行使價590.5元，槓桿8倍，91日後到期，騰訊今年高位482.4元，行使價擺到590元水平係咪太遠？係咪要換馬長身CALL？

獨立股評人黃偉豪指，可以睇埋明日(13日)出嘅業績再做部署，但CALL輪條款唔太吸引，隨著愈嚟愈近到期日，時間值損耗會逐漸加快，另一個問題係行使價較遠，同現價相差近200元，短期變等價或價內嘅機會唔大，除非明日業績有驚喜或市場有較大刺激。

Ravi又指，唔太建議換馬，如果喺業績前換長身CALL，好多CALL嘅窩會扯得比較高，令入場成本變得唔太合理，所以持盈保泰會比較好，如果想換馬睇好嘅產品，牛證都可以考慮。