【專家分析】港交所暫時唔好諗

【Now財經台】港股上半年日均成交1104億元，按年倒退4%，單計第2季，日均成交1216億元，按年增長18%，港股4月底開始反彈，但踏入第3季再度轉弱，有多個交易日成交唔夠1000億元，若下半年整體市況及氣氛冇改善，日均成交唔夠1000億元，港交所(00388)業績係咪會轉差？股價亦難有好表現？

元宇證券基金投資總監林嘉麒指，港股第3季一定會轉差，按季成交出現好明顯變化，估計港交所股價喺9月難有憧憬或反彈，投資者亦未必願意入場，由於預期成交冇太大改善，港交所股價勢進一步轉弱。佢續指，港交所股價近日喺低位徘徊，可能係估值下移嘅先兆，未來要留意大行會唔會調整目標價。

KK又話，港交所業績冇太大驚喜，相信短炒已告一段落，後市有機會下試前低位，就算中長線而言，港交所都不宜沾手。