【專家分析】AI手機競賽!瑞聲 VS 舜宇
【分析】 2024/07/26 18:03
![](/CMS_images/NewsImageBig/FIN-BNC-INTERVIEW-240726-1500.jpg)
【Now財經台】雖然iPhone內地出貨量下跌,排名更跌出前五,但內地整體智能手機出貨量係升咗,市佔率首5位都係由國產智能手機包辦,但除咗瑞聲科技(02018),港股其他手機設備股其實主要出貨比內地廠商,上述提及嘅數據對佢哋嚟講係好消息?瑞聲業績似乎相對同Apple業績更同步,若iPhone收入按年及按季都倒退,向瑞聲採購嘅零件可能相對較少。
註冊財務策劃師協會會長黃敏碩指,除咗睇手機出貨量,要睇人工智能(AI)手機吸唔吸引到新投資者或用家,呢個都係市場比較關心,雖然舜宇今個星期發咗盈喜,但市場反應一般,股價不升反跌,主要係如果手機係靠AI提升功能,由自家軟件帶動,甚至聲學推動力大過鏡頭,由於重點已經轉移咗,所以對造鏡頭嘅手機設備股嚟講,未來盈利增長或者唔可以好似以前咁快。
瑞聲方面,Michael就話,公司仲有小米集團(01810)、華為呢啲客戶,若聲學方面配合到AI發展,會比舜宇更有優勢,睇返股價都有一個對比。
![]() | 黃敏碩 註冊財務策劃師協會會長 |