【名家給力場】美的置業重組「輕裝上陣」是好是壞？

【Now財經台】內地樓市仍未有起色，內房股股價跌到「坐艇」小股東欲哭無淚，不過，內房美的置業(03990)投資者終於有套現機會，美的置業計劃剝離房地產開發業務，改由私人公司美的建業持有，股東可以揀實物分派，即收取1股美的建業股份，或每股收取現金5.9元，較美的置業上周五(21日)收市價有逾57%溢價，受消息刺激，美的置業股價今日(24日)一度飆約1倍，高見7.54元，點睇集團今次呢個重組及分派建議？

《香港股票財技密碼》作者梁杰文認為，今次實物分派係變相私有化，由於私人公司交投有限，相信大部分股東會揀現金，雖然用5.9元私有公司大部分業務有好大折讓，但市場氣氛反映公司估值就係呢個價，但至少都畀咗個套現機會股東。

Mike又話，機構投資者本身睇重美的置業嘅房地產業務，但私有化後公司市值大縮水，由100億元縮到唔夠10億元，變成「殼股」或「細價股」，令到基金股東未必願意再持有，將對公司造成壓力。