【Now財經台】截至早上11時止，1小時內《彭博》用戶關注度上升最多港股，依次為比亞迪股份(01211)、碧桂園(02007)、萬科企業(02202)、中國銀行(03988)及中國恒大(03333)。新聞量大升股份方面，依次為中國銀行(03988)、中教控股(00839)、商湯(00020)、信義光能(00968)及美的置業(03990)。
中教股價今朝一度急瀉逾20%，集團全年少賺25%，派末期息13.53分人民幣，大數唔達標，派息又少咗，係咪因為咁股價就大插水？
富途證券高級策略師譚智樂認為，中教業績固然唔靚仔，但股價今日跌到咁，可能有少少跌過龍，不過，市場都需時消化呢份業績。佢又指，中教呢份業績涉及一啲1次性因素等減值損失，撇除呢啲因素，經調整EBITDA、經調整股東應佔溢利等，其實唔係想像中咁差，不過，又同派息有矛盾，呢方面令投資者感到意外。
佢又指，依家市場睇中教，主要關注派息水平等，所以當派息令市場感到意外，股價大跌係在所難免，暫時可以睇住5元呢個支持位，但唔建議投資者現階段博反彈。
