【槓桿致勝】黃偉豪:唔建議現價開攜程CALL

【Now財經台】內地「五一黃金周」假期出境外遊數據火熱，帶動攜程集團(09961)昨日(6日)收市升逾4%，不過，攜程股價今日(7日)早段創426元新高後，隨即掉頭向下。市場上有一批CALL輪價外17%，行使價499元，3個月後到期，槓桿做到6倍，係咪啱做攜程後市突破向上部署？

中薇證券研究部執行董事黃偉豪認為，呢批CALL價外幅度較大，未必3個月內會變成等價，要承受較大時間值損耗。佢又指，唔建議現價開CALL，建議等股價回調至410元以下先再做部署。

Ravi續稱，技術走勢上，攜程股價出現多頭排列格局嘅上升形態，不過，9天相對強弱指數(RSI)出現跟股價升勢相反嘅「頂背馳」形態，反映股價因近期升得太急，上升動力開始減弱。