【財經TOP SEARCH】時代中國成恒大2.0？

【Now財經台】截至早上11時止，1小時內《彭博》用戶搜尋量最多港股，依次為時代中國控股(01233)丶友邦保險(01299)丶中國恒大(03333)丶ASMPT太平洋(00522)丶招金礦業(01818)。

時代中國被恒生銀行(00011)提出清盤呈請，追討逾20億美元財務責任，集團今年首季賣樓收入按年大減逾70%，去年虧損達45億人仔，到底時代中國會唔會步恒大後塵，最終清盤收場？

富途證券高級策略師譚智樂認為，時代中國有機會面臨清盤，雖然公司仍持有數以億元計嘅資產，但市值只得返3億元，肯定涉及債務重組問題，所以投資者必須明白投資內房股係風險好高，唔係單睇資產負債表及業績。

佢又話，近期有消息指，時代中國債價異動，所以股價波動在所難免，投資者只能從風險角度去做評估，佢坦言，現階段喺分析層面上其實已經冇嘢可做。