【專家分析】Tesla步入黑暗時代？

【Now財經台】Telsa首季交付量按年跌8.5%，係2020年以嚟首見，令市場十分驚訝，更形容為一場災難，按季更大跌20%，遠差過預期，拖累股價昨晚(2日)一度挫近7%，有分析員更直指，除非集團可以扭轉劣勢，否則，Tesla可能會步入黑暗日子，係咪意味Tesla暫時可以放埋一邊，轉吼其他股份？

潤淼資產管理董事盧志威指，全球電動車市場環境開始逆轉，競爭進一步白熱化，比亞迪股份(01211)及小米集團(01810)等都追緊上嚟，大打價格戰，喺多項因素夾擊下，令整個電動車市場前景唔明朗及唔樂觀，再加上銷售及交付量急速下滑，會令市場非常失望，繼而令Tesla股價向下，佢建議暫時先避開Tesla。

內地電動車股方面，William估計，Tesla會逐漸失去龍頭地位，內地將會有車企跑出成為新龍頭，亦會好快出現汰弱留強嘅局面。